Kuswag Junior Primêr pas Christelike beginsels toe en volg ‘n holistiese benadering ten opsigte van ons leerders se opvoeding. Ons Junior Primêre personeel beskik oor jare se ervaring en bied u kind topgehalte onderrig in ‘n liefdevolle omgewing.
Skoolure
Graad 1 & 2
Maandag tot Donderdag: 07:30 – 12:45 Vrydag: 07:30 – 12:00
Graad 3
Maandag tot Donderdag: 07:30 – 13:15 Vrydag: 07:30 – 12:00
Pretdae
Die Junior Primêre fase lê nie net klem op akademie, sport en kultuur nie, maar ons reël ook deur die loop van die jaar pretdae en pretaktiwiteite vir ons leerders en ons ouers. Ons pak ook elke jaar ‘n liefdadigheidsprojek aan om ons leerders te leer dat ‘n mens moet teruggee aan die gemeenskap.
Aktiwiteite wat deur die loop van die jaar plaasvind is: Uilekamp Pa- en dogterdans Pa- en seunoggend Oupa- en oumadag Ma- en dogteroggend Kaskenadedag Erfenisdag Konsert Ushaka oorslaap vir Graad 1 Kaskardag Boekedag “Popcorn-“ en Pajamadag
Akademie
Die grondslagfase volg die kurrikulum soos voorgeskryf deur die Departement van Basiese Onderwys.
Die vakke wat aangebied word is: Afrikaans Hooftaal Engels Eerste Addisionele Taal Wiskunde Lewensvaardigheid Kodering en Robotika
Rapporte word elke kwartaal uitgedeel.
Minimum slaagvereistes Graad 1 – 3: 50% vir Afrikaans Hooftaal 40% vir Wiskunde en Engels
Gereelde skoolbywoning word aangemoedig omdat daar elke dag informele en formele assessering plaasvind.
Kultuur
“So word ons die trou bewakers van kultuur, tradisie sterk”
Ons glo dat liefde vir kuns en kultuur wat van jongs af gekweek word, bydra tot ‘n gebalanseerde lewensbenadering, gesonde verhoudings en verhoogde konsentrasie-vermoëns.
Koor Redenaars Con Spirito VCSV (Verenigde Christen Studente Vereniging) VCSV vind op ‘n Donderdag gedurende pouse plaas. Jeuggroepe en die plaaslike Kerkgroepe kom kuier by ons en leer ons leerders lessies met ingeboude Christelike waardes.
Sport
Oefentye vir alle sporte is vir dogters en seuns, tensy anders aangedui per sport.
Eerste kwartaal
Mini-Tennis Graad 1 & 2 Maandae en Woensdae 13:00 – 13:45 Graad 3 Maandae en Woensdae 13:15 – 14:00
Mini-Krieket Graad 1 & 2 Maandae en Woensdae 13:00 – 13:45 Graad 3 Maandae en Woensdae 13:15 – 14:00
Die primêre doel van die gedragskode en kleredragreëls is om die regte van leerders en opvoeders te beskerm en 'n positiewe leeromgewing te skep. Nakoming van die kleredragreëls skep 'n gevoel van samehorigheid en dra die beeld van Kuswag Skool uit.
Elke leerder en sy/haar ouer/s en/of voog/de ontvang die gedragskode by inskrywing. U kan die dokument ook aflaai deur op die GEDRAGSKODE skakel hieronder te klik.
